نكت جديدة ومنوعة

يكلك مرة كردي شاف جبس مكتوب عليه تحذير: حار جدا....كعد يفكر بحل... شسوة راح حطه بلثلاجة هههههههه

كردي اشتغل بالمخابرات كلولة اول مهمة انذبك بطيارة على مزرعة و اكو بايسكل اتركبة تروح بي اجيبة المعلومات وترجع كلهم خوش صعد بالطيارة وحطولة 3 مضلات احتياط ونزل اول وحدة منفتحت والثانية هم منفتحت والثالثة هم منفتحت كال .ايا هتلية هسة بس لا يطلع البايسكل هم ماكو

معلمة تكول لطالب محشش القيلي قصيدة ، كلها انت يومية مضيعه قصيدة وتجين علية تريدين الگالج ياها؟؟!!

لبناني تزوج كردية: گاللهه: صحيني بكير وقليلي بيضتين... هيه همينه الصبح گللتله: إكعد... بيضتين

كردي شاف واحد غرگان ويصيح: ياناس ياعالم ما أعرف أسبح.. گال له: عبالك بالصياح تگدر تتعلم سباحه؟ لا بابه لا..عافه وراح

كردي مسوي جريمه قتل . سأله القاضي ليش كتلت الرجال بالسجين كله والله ضروف كال شنو ضروفك كال ضروفي صعبه مااكدر اشتري مسدس ..

كردي كاعد على تلفزيون يكول والله هزا تلفزيون يخبل من اغمز عيوني يصير راديو.

مصلاوي واكف بلبالكون وكع منه درهم نزل بسرعة بس ما لكاه ليش؟؟؟؟؟؟؟؟
لين وصل قبل الدرهم

واحد مات وجاي يشيعون جنازته...من بين الشايلين جنازته واحد أعرج...فالجنازة تهتز كل ما يعرج صاحبنه اليشيع وتروح يمنه ويسره...لهناك الميت زهكَـ...رفع راسه من التابوت وكَـال ... يمعودين شني السالفه ... ما وصلنه التبليط ؟؟؟

فقير جوعان گال لواحد خبيث أنطيني أي شي آكله جزاك الله خير.. گام إنطاه فاتح شهية ؟؟

كو واحد راد يستغفر ويصير ديّن راح للامام مال الجامع كلله شيخنا اني غازلت وحده لبنانيه واريد اتوب هسه شنو كفّارتي؟ كلله غازللك وحده سودانيه..........

اكو معلم كل للطلاب ياهو يرسم اي شي كام طالب ح نقطه كله المعلم شنو هاي كله هذا فيل جاي من بعيد

كردي وعربي دخلو للملعب يشاهدون مباراة العراق والبرازيل العربي دخل كعد بالمنصه مالت المتفرجين والكردي صعد فوك كلش علسكف كلوله شسوي فوق كلهم ادور على كلمة مباشر وين صايرة

مرة دلوع ازوج دلوعة جابو ولد سمو ياااااااااااااااي..هههه

اكو كردي ميعرف يكول كلمة( استنكي) راح للسوك يشتري طماطة كال للبقال عمي ممكن اشتري طماطة انتخابات

كريم ازوج كريمة جهبو واحد انطو للدكتور

فد يوم واحد راح اتقدم لوحده فكالت لابوها ما ريده بابا يعلچ .... فكله الاب والله ابني ماكو نصيب متكلي ليش تعلچ ؟؟ كله مو اروح ريحة الجكاير .كله ها وفوكاها اتدخن...... كله بس من اسكر...... كله متكلي شعلمك....... كله من جنت بلسجن...كله وسجنك ...كله مرة اتقدمت لبنية وابوهه ماقبل وكتلته ...رجع الاب الى بنته كاللهه بنتي كافي لواكة واذا يعلج.

اكو مصلاوي كال لابن عمه وك محمد البقلاوة والله طيبة . كله ليش انت ظايكها كله لا بس جيران صديق ابن خالة ابن عمة جلال ماص كاغدهه...

مرة واحد يمشي شاف المصباح السحري كال اي الحمد لله هو هذا الي راح يأخذني للسويد ففرك المصباح طلع المارد كالة شبيك لبيك اطلب ماذا تريد كالة والله اريد طلب صغيرون كالة شنو كالة اريد منك بس فيزا للسويد ضحك المارد كالة لو عندي جان مابقيت بل المصباح

كردية لكت مكتوب في جواز رجلها رجل اعمال مسحتها كتبت رجل نسرين

مرة واحد غرك طلعة واحد خبيث. فكلة انت خبيث شعجب طلعتني كلة خفت عليك لتموت شهيد

مصلاوي ابنه طلب منه خمستالاف
كله شتسوي باربعتالاف
منين اجيبلك تلتالاف
يعني الفين متكفيك
دهاك هاي الف وروح

اكو اثنين من الناصريه ديمشون شافوو طيره دتبيض بل عش مالتها .الاول كال للثاني شنو رايك ناخذ البيضه ونكسرها . الثاني كال لا يمعود شنو نكسرها ليش مناخذها للبيضه نسلكها ونرجعهاا جواها هههههههههههههههه

مصلاوي بالحلم عزم جماعتة على الغدا ,, كعد من النوم كال خرب اهلي اذا انام بعد

معلم قال للطلاب منو يريد يروح للجنه جميع الطلاب رفعو ايديهم الى واحد كال المعلم ليش انت ما تريد تروح للجنه كال امي وابي قالو لي لمن تخلص المدرسه ترجع كبل للبيت

اكو واحد تواعد ويه حبيبته كلها نروح للزوراء كالت لا انروح للشرطه

واحد طلب من والده فلوس والده جان اكرع فجاوبه ابني اني مطلوب على كل شعره من راسي الف دينار جان ايجاوبه زين لعد انت مامطلوب بس عشر تالاف دينار .ههههههههههههه

وحده كالت لبنتها: اذا رجلج رجع للبيت وشفتي شعر اصفر ع جتفه كوليله هاي الشـگره منو جانت وياك وإذا شفتي شعر اسود كوليله هاي السمره منو جانت وياك .. بنتها كالت اوكي .. شو رجلها رجع للبيت وماشافت ولاشعره .. كالتله شوف .. سوالف هاي مشيها ع غيري .. هاي الـگرعه منو جانت وياك؟؟

واحد گال للحلاق: تره صارلي ساعتين هنا، الحلاق كردي ..گال له: شنو يعني؟ اني صارلي سنتين هنا.

ثلاثة شباب واحد من البصرة واحد.من الكوت والثالث.من الموصل.حبو.يطلعون سفره...اتفقوا كل واحد يجيب وياه شيئ.كال ابو البصرة.انا اجيب لحم.وكال ابن الكوت.انا اجيب. الخبز والفحم وكال ابن الموصل انه اجيب اخويه

كو وحده كالت لزوجها حبيبي اخاف اموت خليلي شمعه بالكبر لان اخاف من الظلمه زوجها كلله حياتي بس دموتي حتى مكيف احطلج

اكو فد رجال مرته بس تتمكيج كلله اتمكيجي بلكت عزرائيل ينعجب بيج وياخذج ...

كردي سال صاحبه كله ابوك الله يرحمه اشو من مات ليهسه ماسمعنا عنه اي خبر ..

واحد ديفيك على أبنه كله: أبني نابليون من جان بعمرك جان دائما يطلع الاول.. ابنه جاوبه:بابا و نابليون من جان بعمرك جان امبراطور

حشاش يصلي ويقول يارب سوي رمضان
مثل كاس العالم كل اربع سنين وكل سنة بدولة ههه

يكلك فد مرة خضير هادي صعد بل السرفيس دينزل فا كالولة يمعود وين الحساب جان يكوللهم .... عليييييييييهم
ههههههههههههههههه

فديوم كردي اندعم زماله ورجع للبيت ضايج كالتله مرته حبيبي لا ضوج انته عندي تسوه الف زمال

دكتور دليمي جابولة مريض . شدله مغذي وكتب على كصتة جاري الشحن

عربي وكردي راحو للسينما ديشوفون فلم
الفلم بي سباق خيول ف تراهنو العربي والكردي على السباق
العربي كال الحصان رح يوكع والكردي كال لا الحصان ميوكع
بدا السباق والحصان وكع وخسر الكردي الرهان
كال الكردي اني هذا الفلم شايفة قبل!!
كالوله لعد ليش مكلت الحصان رح يوكع؟؟
كال عبالي هالمرة رح يدير باله

يكللك البرازيل وفريق من الدليم دقيقة 85 البرازيل متقدمة 10 صفر رجعوا الدليم ب مطار بغداد شايلين الكاس كاللولهم شنو السالفه كالوا وكعوا لاعب من عدنا واخذنا الكاس فصل

اكو واحد حشاش يريد يتعلم قرايه وكتابه .. فراح للمدرسه المسائيه فتعلم الأحرف كلهن وانطوا كلمه كلوله : اقراها ؟؟ فالحشاش كال : ضف.. ضف.. ضفد.. يمعودين عكَروكَ ههههههههه

اكو واحد زوجتة تخونة يوم من الايام كعد باليل راد يشتم هوة لكة واحد بالبالكونة كالة هاي شنو شتسوي هنا كلة ما اسوي شي طيارتي وكعت واني وكعت هنا كال سبحان الله الاسبوع الفات لكيت واحد بالحمام غركانة سفينتة

فد يوم اثنين محششين وكَفهم شرطي فكال لهم:انتو شاربين.
كَالوله:لا.
كَاللهم :لعد ليش اعيونكم حمر.
كَالوله:مواحنه توأم

تدلل وأهديك هاي النكتة

واحد ديفيك على أبنه كله: أبني نابليون من جان بعمرك جان دائما يطلع الاول.. ابنه جاوبه:بابا و نابليون من جان بعمرك جان امبراطور