حزن اكثر ..........
بالغربة الحزن اكثر
وبالغربة الجرح اكبر
وبالغربة الدموع اتصير
نار وتاكل المحجر
وبالغربة السنين اتضيع
منك والعمر يكصر
تنام وتصحى لن الشيب
غفلة اعله الزلف سيّر
وبالغربة الغروب يبوك روحك
والكلب بحبال من تمشي الشمس من الصدر ينجر !
وبعد اكثر ... وبعد اكثر
بالغربة شتريد اتكول
عايز حجيك وكصّر
بس الاكثر واكبر
ولا مثله جرح ينطر
ولا بالوصف يتوصف ولا بالصور يتصور
ولا مثله حزن اكثر
ولا مثله جرح ينطر
بنادم من يموت ابليل غربة ولا اخو اليحضر
وحشة الغربة والاوحش تموت بكاع مالك طير بيها ... ولا الك معشر
يا اكبر خطية ومن صدك مسكين يلمالك وطن وبعيد عن اهلك
تعيش تموت تتحسر
تعيش تموت تتحسر .
تحياتي
موضوع: شعر عن الغربة روعة 
اليومية