آحےـمد آلبيےـاتي المـديـر الـعـام
عدد المساهمات : 1780
نقاط : 3288
العمر : 36
البلد : المانيا - ميونخ
الجنس :
المزاج : عادي
تاريخ التسجيل : 08/04/2008
| موضوع: حسنة ام اللبن شعر ولا اروع الثلاثاء يناير 18, 2011 12:21 pm | |
| السلام عليكم ورحمة الله وبركاته
اشلونكم يا حلوين يارب يعجبكم الشعر هع
حسنة ام اللبن
عدنه شلون دوله وبيها حرية حسنة ام اللبن صارت سياسية حسنة شلون لعبت بالخلگ طوبة راحت للسياسة و عافت الروبة الفضائيات كلها عليها مگلوبه امريكا و اوربا بيها مسبيّة حسنة ام اللبن صارت سياسية
حسنة لفلفت كلشي بعبايتها وسبع تالاف من تمشي حمايتها بسوگ اللبن متشكلة وزارتها و حكومتها حكومة محو اميه حسنة ام اللبن صارت سياسية
طلابتنا چبيره و حسنة حبابة وبوش يگول هي تحل الطلابة حسنة للحكم صعدت بدبابة و گامت ترسملنه خطط امنية حسنة ام اللبن صارت سياسية
ياناس على حسنة بعد ما نعتب لان مگرودة لا تقره و لا تكتب ملتهية تفرهد بينه و تسلّب و حصتها بنفطنه ألف بالميّه حسنة ام اللبن صارت سياسية
ماندري ويه حسنة شلون تاليها ياناس و تعبنة من بلاويها لان دولتها حاميها حراميها حظنه الوگعانه بحلگ واوية حسنة ام اللبن صارت سياسية
گالوا حسنه راح تعالج الاحباط وتذب شيلة فگرها وترد تلبس قاط وتأسس حكومة كلها تكنوقراط و تعالج بناء البنى التحتية حسنة ام اللبن صارت سياسية
لبست قاطها وتسودنت حسنة وردّت تزمخ علينه و تفارسنه درجعي للبن مو خرب واهسنه عساها بخت من سواچ حزبية حسنة ام اللبن صارت سياسية | |
|